កាំភ្លើងធំ Arsenal កំពុងតាមដានបន្តទៀតហើយលើខ្សែបម្រើស្លាប Khvicha Kvaratskhelia របស់ក្លិបខ្លាំងអ៊ីតាលី Napoli បន្ទាប់ពីខកខានមិនអាចយកកីឡាករ Mykhaylo Mudryk មកកាន់ទឹកដី Emirate បាន ។ ឥឡូវនេះបើយោងតាមសារព័ត៌មាន 90min បានឱ្យដឹងថា Arsenal កំពុងរក្សាការចាប់អារម្មណ៍លើខ្សែបម្រើស្លាបរបស់ Napoli កីឡាករ Kvaratskhelia ប៉ុន្តែខ្សែបម្រើស្លាបសញ្ជាតិហ្សកហ្ស៊ីទំនងជាមានតម្លៃលើសពី ១០០លានផោនទៅទៀត។ វាច្បាស់ណាស់គឺថាគ្រូបង្វឹកលោក Mikel Arteta កំពុងស្វែងរកកីឡាករបន្ថែមដើម្បីរក្សាភាពខ្លាំងរបស់ក្លិប ក៏ព្រោះថាពេលនេះ Arsenal កំពុងប្រជែងពាន។ ថ្វីដ្បិតតែបង្ហាញទម្រង់លេងបានល្អក្នុងរដូវកាលនេះក៏ដោយ ក៏ Arteta ទំនងជាបង្វែររ៉ាដាចង់បានកីឡាករ Kvaratskhelia អាចជាការផ្លាស់ប្តូរដែលមិនអាចទៅរួចក្នុងអំឡុងពេលទីផ្សារដោះដូរកីឡាករខែមករា ដូច្នេះ Arsenal ប្រហែលជាត្រូវរង់ចាំរហូតដល់រដូវក្តៅ ប្រសិនបើពួកគេចាត់ទុកខ្សែបម្រើស្លាប Napoli ជាគោលដៅអាទិភាព។ មិនត្រឹមតែប៉ណ្ណោះក៏ល្ហិចល្ហៀងថាកាំភ្លើងធំ Arsenal ក៏ចង់បានខ្សែបម្រើប្រយុទ្ធជម្រើសជាតិប្រេស៊ីល Raphinha ដែលកំពុងលេងឱ្យក្លិប Barcelona ផងដែរ ការចង់បាននេះខាងក្រុមយក្សអេស្ប៉ាញ Barcelona បានបញ្ចេញតម្លៃថា ១០០លានផោនទើបអាចលក់ Raphinha ចេញបាន៕